سلام شباب..
كما تعلمون الستور الياباني يختلف اختلاف السماء و الارض عن الستور الامريكي في كل النواحي....
و الشيء المحزن انه يبدو اننا من المغضوب عليهم ... ما عندنا ستور اساسا ... و الحاجة ام الاختراع كما يقولون.
لذا علينا ابتكار طرق للوصول الى الهدف ... و هذا هو موضوعنا اليوم.
قبل ما ابدأ بس حبيت اشارككم في سؤال محيرني له سنين .... اليابانيين
هاذولي ليش معقدين نفسيا يحبون يعقدون الناس في حياتهم؟ ليش ما يسوون ستور
واحد عالمي و يقبل كل بطاقات الكريدت سواء من اي دولة كنت ... ليش التعصب
الي فيهم؟ يعني هل قومُ افضل من قومُ اخر؟ .. تبي تعذب ياباني أفتحله عيونه.
المهم خلينا في موضوعنا.. و لنبدأ
أولا لازم تفتحون اكاونت جديد ... طبعا اول صفحة تجي بدلا من وضع امريكا
أو اوروبا كدولتكم اختاروا اليابان و باقي الاختيارات في هذه الشاشة واضحة
ما يحتاج شرح. طبعا بعد الخطوة الاولى راح يقلبلكم الدنيا كلها باللغة اليابانية و ما
راح تشوف غير شخابيط حمام... انا لا ادعي اني اعلم اي شيء من هذه
الخزعبلات و لكن نقارنها بنفس الصفحة الي قابلتنا حينما فتحنا الاكاونت
الامريكي...
يعني هنا راح يسألكم تبي الاكاونت master ام sub اختر master الي هو الاختيار الاول.
و الخطوة الجاية اضغط على الزر التحتاني الايمن .. هذه فقط اتفاقية الدخول و هبل.
و الخطوة التالية راح يكون فيه شوية شغل ... اول خانة تضع فيه الايميل
تبعك (تأكد انه ايميل مختلف عن الي استخدمته سابقا في الاكاونت المريكي او
غيره)
و الخانة الي تحتها ضع كلمة سرية ترغب بها .. و الي بعدها ضع الكلمة السرية مره اخرى للتأكيد.
و اخر خانه حط فيه اي شي تبيه ما راح يفرق. هذا فقط سؤال استرجاع كلمة المرور بس مو مهم.
و الخطوة التالي تكتب ال ID الي تبيه و لازم يكون ID جديد كليا لم يستخدمه
احد قبل .. لو ما قبل منك غير ال ID ممكن يكون احد استخدمه قبلك.
و الخطوة التالية صفحة جديدة لم تكن موجودة في خطوات الاكاونت الامريكي
... عاد هنا انا افتحلكم باب التفنن و الابداع و اكتبوا اي شي يعجبكم
انشاء الله شعر عنترة راح يقبل معكم.
و الخطوة التالية اعتقد انها العنوان...
أول خانه اكتبوا اي 3 ارقام تعجبكم ... مثلا 123
ثاني خانة اختار الاختيار الاول من القائمة ... ممكن اي شي يقبل بس انا ما جربت فخليكم في السليم.
و الخانات الباقية نفتح باب التفنن من جديد اكتبوا اي شي.
و الخطوة التالية هو اذا اردت شحن رصيدك في الستور .. طبعا لا لأنه ما راح
يقبل بطاقاتنا الائتمانية اصلا .. انت ما عليك اختر الاختيار الثاني و
امشي في طريقك.
و بعدها راح تجيكم شاشة اخرى ... ضع علامة في الصندوق الصغير و بعدها...
مبرووووووووووك صار عندكم اكاونت ياباني لتصفح الستور اليابانيييييي
على العموم هذا موضوع كتب خصيصا لمنتدى ADSLGATE.COM و الي يبي ينقله يذكر
المصدر و لا يحرمنا من دعواته ... انشاء الله الفائدة تعم الجميع